14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Ակնկալում ենք պարտավորությունների անշեղ ու վճռական կատարում․ Արցախի նախագահը դիմում է Պուտինին․ ՏԵՍԱՆՅՈՒԹ
23.05.2023 | 22:50
ԱՀ նախագահ Արայիկ Հարությունյանը ուղերձ է հղել առկա արտաքին ու ներքին մարտահրավերների վերաբերյալ:
Արցախի նախագահը դիմել է Հայաստանի Հանրապետության իշխանություններին՝ հորդորելով ձեռնպահ մնալ Արցախը Ադրբեջանի կազմում ճանաչելու որևէ գործողությունից ու հայտարարությունից՝ հավատարիմ մնալով ներպետական ու միջազգային փաստաթղթերով ստանձնած պարտավորություններին և համազգային իղձերին ու շահերին:
Արայիկ Հարությունյանը դիմել է նաև ՌԴ իշխանություններին և ՌԴ նախագահ Վլադիմիր Պուտինին և կոչ արել ապահովել նոյեմբերի 9-ի եռակողմ հայտարարությամբ ստանձնած պարտավորությունները՝ բացելով Լաչինի (Քաշաթաղի) միջանցքը, վերացնելով ադրբեջանական բոլոր խոչընդոտները, ազատելով Արցախի 120,000 բնակչությանը ահաբեկչական պատանդառությունից և կանխելով ադրբեջանական ագրեսիվ գործողությունները Արցախի ժողովրդի հանդեպ:
«Անկախ Եռակողմ հայտարարության մյուս կողմերի գործողություններից՝ Ռուսաստանը ստանձնել է հստակ պարտավորություններ, որոնք լրջագույն հիմք են եղել պատերազմից հետո Արցախի ժողովրդի վերադարձի ապահովման համար: Ուստի, մենք ակնկալում ենք այդ պարտավորությունների անշեղ ու վճռական կատարում՝ հանուն Արցախի ժողովրդի և Ռուսաստանի դաշնության շահերի, ինչպես նաև՝ հայ ու ռուս ժողովուրդների դարավոր բարեկամության»,- ասել է Արցախի նախագահը:
