18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
ԱՄՆ-ը չի պատրաստվում չեղարկել Չինաստանի պաշտպանության նախարարի նկատմամբ պատժամիջոցները
Քաղաքականություն
23.05.2023 | 22:37
ԱՄՆ-ը չի դիտարկում Չինաստանի պաշտպանության նախարար Լի Շանֆուի նկատմամբ պատժամիջոցները չեղարկելու հարցը, հայտնել է Պետքարտուղարությունը։ ԱՄՆ պաշտոնյաներն ավելի վաղ հայտարարել էին, որ Լիի դեմ պատժամիջոցները չեն խանգարում նրան պաշտոնական հանդիպումներ ունենալ իր ամերիկացի գործընկերների հետ և չպետք է խոչընդոտ հանդիսանան Վաշինգտոնի և Պեկինի միջև ռազմական բանակցությունների համար, գրում է VOA-ն։
ԱՄՆ նախագահ Ջո Բայդենը հանգստյան օրերին լրագրողներին ասել է, որ չի քննարկելու չինացի պաշտոնյաների նկատմամբ պատժամիջոցների մեղմացումը՝ հարաբերությունները բարելավելու համար։
Ավելի ուշ նա հասկացնել է տվել, որ պաշտպանության նախարարի դեմ պատժամիջոցների մեղմացման հնարավորությունը «այժմ բանակցությունների հարց է»։
Պետքարտուղարությունը հստակեցրել է ԱՄՆ դիրքորոշումը։ Գերատեսչության խոսնակ Մեթյու Միլլերը բացասաբար է արձագանքել հարցին՝ արդյո՞ք ԱՄՆ-ն ուսումնասիրում է չինացի բարձրաստիճան զինվորականի դեմ պատժամիջոցների մեղմացման գաղափարը՝ բանակցելու համար:
Ըստ Պետքարտուղարության՝ պատժամիջոցները կապված են 2017 թվականին Չինաստանի կողմից տասը Սու-35 մարտական ինքնաթիռների և 2018 թվականին С-400 զենիթահրթիռային համակարգերի սարքավորումների գնման հետ։
Տաթև Ֆռանգյան
