26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Այժմ Ռուսաստանի հետ շփումները զարգացնելու ժամանակը չէ․ Պետդեպի խոսնակը՝ Թբիլիսիին
Քաղաքականություն
23.05.2023 | 20:21
ԱՄՆ-ը մտահոգություն է հայտնել դեպի Վրաստան ռուսական օդանավերի թռիչքների վերսկսման կապակցությամբ՝ նշելով, որ այժմ ժամանակը չէ Ռուսաստանի հետ համագործակցությունը զարգացնելու համար և զգուշացնելով, որ դա կարող է հանգեցնել պատժամիջոցների, գրում է VOA-ն։
«Արևմտյան շատ երկրներ, այդ թվում՝ ԱՄՆ-ն, արգելել են ռուսական ինքնաթիռների մուտքն իրենց օդային տարածք»,- ասել է ԱՄՆ Պետքարտուղարության խոսնակ Մեթյու Միլլերը։
«Մենք անհանգստացած ենք Ռուսաստանի և Վրաստանի միջև ուղիղ ավիաչվերթների վերսկսմամբ։ Սա կարող է նշանակել, որ վրացական օդանավակայանների ընկերությունները կարող են ենթարկվել պատժամիջոցների։ Մենք՝ ողջ արևմտյան հանրությունը, հեռացել ենք այս ռեժիմից, և այժմ Ռուսաստանի հետ շփումները զարգացնելու ժամանակը չէ»,- հավելել է նա։
Տաթև Ֆռանգյան
