20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Իսպանիայի բնակչության թիվը հասել է պատմական առավելագույնի
Քաղաքականություն
23.05.2023 | 23:06
Իսպանիայի բնակչությունը 2023 թվականի առաջին եռամսյակում գերազանցել է 48 միլիոնը, ինչը պատմության մեջ ամենաբարձր ցուցանիշն է։ Այս մասին հայտնել է Թագավորության Վիճակագրության ազգային ինստիտուտը։
Բնակչության թվի՝ մեկ տարում ավելի քան 590 հազարով աճը, որն ամենաբարձրն է 2008 թվականից ի վեր, պայմանավորված է օտարերկրյա քաղաքացիների ներհոսքով երկիր:
Այս տարվա առաջին եռամսյակում ամենից հաճախ Իսպանիա են ներգաղթել կոլումբիացիները (ավելի քան 44,000), մարոկկացիները (ավելի քան 23,000), վենեսուելացիները (ավելի քան 21,000) և պերուացիները (ավելի քան 18,000): Ներգաղթյալների մեծ մասը գրանցված է Մադրիդի ինքնավար մարզում (0,60%), Վալենսիայում (0,54%) և Կատալոնիայում (0,46%)։
Վերջին բարձր ցուցանիշը գրանցվել է 2021 թվականի հունվարի 1-ին, երբ Իսպանիայի բնակչությունը գերազանցում էր 47 միլիոնը։
Տաթև Ֆռանգյան
