04.06.2026 | 15:18
ՌԴ ԱԳՆ-ն Հայաստանից ապրանքների ներմուծման սահմանափակումները բացատրել է բուսասանիտարական նորմերով
«Գազպրոմ»-ը կորցրել է իր առաջին երկարաժամկետ պայմանագիրը եվրոպական ընկերության հետ
Քաղաքականություն
23.05.2023 | 21:53
Ֆիննական Gasum ընկերությունn արբիտրաժի միջոցով խզել է «Գազպրոմի» հետ վառելիքի մատակարարման պայմանագիրը։ Meduza-ի փոխանցմամբ՝ «Gasum»-ն առաջին եվրոպական ընկերությունն է, որը խզել է երկարաժամկետ պայմանագիրը ռուսական գազային մենաշնորհային ընկերության հետ։
«Gasum»-ի և «Գազպրոմի» միջև պայմանագիրը պետք է ուժի մեջ լիներ մինչև 2031 թվականի դեկտեմբերի 31-ը։ 2021 թվականին «Գազպրոմ»-ն այս պայմանագրով Ֆինլանդիա է մատակարարել 1,49 միլիարդ խորանարդ մետր գազ։
Ռուսական զորքերի Ուկրաինա լայնամասշտաբ ներխուժման մեկնարկից և դրան հաջորդած պատժամիջոցներից հետո Ռուսաստանը սկսել է պահանջել ռուբլով վճարել գազի դիմաց։ Gasum-ը, ինչպես և մի շարք այլ ընկերություններ, հրաժարվել են նման սխեմայից, իսկ «Գազպրոմ»-ը դադարեցրել է մատակարարումները Ֆինլանդիա 2022 թվականի մայիսին։
Ֆիննական ընկերություննը արբիտրաժային վարույթ է հարուցել՝ նշելով, որ չի ընդունում վճարման նոր պայմանները, դժգոհ է պայմանագրով նախատեսված առաքումների կրճատումից և դրա մի շարք պայմաններից։
Արբիտրաժը որպես ֆորսմաժոր է համարել «ոչ բարեկամ» երկրների ընկերությունների համար գազի համար ռուբլով վճարելու մասին ՌԴ նախագահի հրամանագիրը, որը Gasum-ին թույլ է տվել խզել պայմանագիրը, սակայն կողմերին պարտավորեցրել է շարունակել բանակցությունները, որոնք, սակայն, ապարդյուն են եղել։
Տաթև Ֆռանգյան
