14.09.2026 | 13:38
Հայաստանում այսօր բռնաբարվում է գույքային իրավունքը․ Լիլիթ Գալստյան․ ՏԵՍԱՆՅՈՒԹ
Թրամփից դատարանի որոշմամբ 5 մլն դոլար ստացած լրագրողը ևս 10 մլն դոլար է պահանջել
Քաղաքականություն
23.05.2023 | 23:17
Լրագրող և գրող Էլիզաբեթ Ջին Քերոլը դատական հայց է ներկայացրել ԱՄՆ նախագահ Դոնալդ Թրամփի դեմ՝ պահանջելով իրեն վճարել առնվազն 10 միլիոն դոլար, գրում է Associated Press-ը:
Նոր դատավարությունը վերաբերում է նախորդ դատավարությունից հետո նախկին նախագահի հայտարարություններին, որով դատարանը Թրամփին պարտավորեցրել էր Քերոլին վճարել 5 մլն դոլար։
Հայցը ներկայացվել է Մանհեթենի դատարան։ Փաստաբանները կարծում են, որ Թրամփը «կրկնակի նվաստացնող» արտահայտություններ է արել լրագրողի հասցեին։
«Դժվար է պատկերացնել զրպարտչական վարքագիծ, որն ավելի շատ կարող է դրդված լինել ատելությունից, վատ կամքից և չարությունից»,- հայտարարել են փաստաբանները:
Նրանք բացատրել են, որ նոր դատավարությունն անհրաժեշտ է՝ Թրամփին «հետագա զրպարտությունից» հետ պահելու համար։
Նշենք, որ մայիսին ամերիկյան դատարանը նախկին նախագահ Դոնալդ Թրամփին մեղավոր է ճանաչել 1996 թվականի գարնանը լրագրողի նկատմամբ ոտնձգությունների գործով։ Նրան պարտավորեցրել են վճարել 2 միլիոն դոլար վնասի փոխհատուցում և 3 միլիոն դոլար՝ զրպարտության և հեղինակությանը վնաս պատճառելու համար։
Տաթև Ֆռանգյան
