14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Meta-ն Եվրոպայում ռեկորդային՝ 1,2 մլրդ եվրոյի տուգանքի է ենթարկվել
Քաղաքականություն
22.05.2023 | 22:52
ԵՄ կարգավորիչները տուգանել են ամերիկյան Meta ընկերությանը 1 մլրդ 200 մլն եվրոյով։ Facebook սոցիալական ցանցում տվյալների պաշտպանության եվրոպական կանոնները խախտելու համար ռեկորդային տուգանք է սահմանվել, գրում է Euronews-ը։
Խոսքն ԱՄՆ օգտատերերի զգայուն տվյալների փոխանցման մասին է։
Meta-ն որոշումը համարել է չարդարացված և անհարկի՝ հայտարարելով, որ կբողոքարկի այն:
ԵՄ-ում տարեսկզբից ի վեր սա արդեն երրորդ պատիժն է Meta-ի նկատմամբ, իսկ վեց ամսվա ընթացքում՝ չորրորդը։ Հունվարին Եվրամիության կարգավորիչները Meta-ին տուգանել են ընդհանուր 390 միլիոն եվրոյով՝ գաղտնիության կանոնները խախտելու համար՝ թույլ չտալով ընկերությանը ստիպել Միության 27 երկրների օգտատերերին համաձայնվել օգտատերերի առցանց գործունեության վրա հիմնված գովազդին:
Տաթև Ֆռանգյան
