07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ինչ իրավիճակ է Նախիջևանի սահմանային հատվածում. մեկնաբանում է Արծրուն Հովհաննիսյանը
Քաղաքականություն
02.07.2018 | 11:13
«Նախիջևանի շրջանում սահմանային իրավիճակը հանգիստ է»,- այս մասին Factor.am-ին ասաց ՀՀ ՊՆ մամուլի քարտուղար Արծրուն Հովհաննիսյանը:
Հիշեցնենք, որ երեկ Հովհաննիսյանը գրել էր, որ ադրբեջանական ԶՈւ-ն նախիջևանյան ուղղությամբ որոշ տեղամասերում փորձել է դիրքային ամրապնդման ինժեներական աշխատանքներ իրականացնել, ինչին ի պատասխան ՀՀ ԶՈւ-ն պատասխան կրակ է բացել, որից ավերվել ու այլրվել է հակառակորդի դիրքերից մեկը:
ՊՆ մամուլի քարտուղարից նաև հետաքրքրվեցինք, թե ինչով էր պայմանավորված վարչապետ Նիկոլ Փաշինյանի հայտարարությունը, թե հայկական ԶՈՒ-ն պետք է պատրաստ լինի իրադարձությունների զարգացման ցանկացած սցենարի, արդյոք սահմանում լայնածավալ գործողությունների վերսկսկման վտանգ կա: «Սահմանում ստանդարտ իրավիճակ է, առանձնահատուկ ոչինչ չի փոխվել»,- ասաց Հովհաննիսյանը:
