27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Ռուսաստանը, ի պատասխան ամերիկյան պատժամիջոցների, փակում է ԱՄՆ-ի 500 քաղաքացիների մուտքը երկիր
Քաղաքականություն
19.05.2023 | 23:15
Մոսկվան, ի պատասխան ԱՄՆ պատժամիջոցների, փակել է մուտքը Ռուսաստան 500 ամերիկացիների համար։ Այս մասին ասվում է ՌԴ ԱԳՆ-ի ուրբաթ օրը տարածած հաղորդագրության մեջ։
«Ի պատասխան Ջո Բայդենի վարչակազմի կողմից պարբերաբար կիրառվող հակառուսական պատժամիջոցներին, որոնք, Վաշինգտոնի պլանի համաձայն, կոչված են առավելագույն վնաս հասցնելու Ռուսաստանին՝ անձամբ ազդելով մեր երկրի պաշտոնյաների և հասարակ քաղաքացիների վրա, որպես հակազդեցություն, Ռուսաստանի Դաշնությունը փակ է 500 ամերիկացիների համար»,- հայտնել են ԱԳՆ-ում։
Դիվանագիտական գերատեսչությունը նշել է, որ Մոսկվայի պատժամիջոցների ցանկում ներառված են ոչ միայն «հայտնի դեմքեր, որոնց թվում է ԱՄՆ նախկին նախագահ Բարաք Օբաման», այլև գործադիր իշխանության տարբեր մակարդակների ներկայիս ղեկավարներ, նախկին պաշտոնյաներ, ինչպես նաև «ռազմարդյունաբերական համալիրներ մատակարարող ընկերությունների ղեկավարներ, որոնք սպառազինություն են մատակարարում Կիևին»:
Ավելի վաղ տեղեկացրել էինք՝ ԱՄՆ-ը պատժամիջոցներ է սահմանել 71 ընկերությունների դեմ․ դրանց թվում Հայաստանից մեկ ընկերություն կա։
