15.01.2026 | 22:37
ՀՀ տարածքում կան փակ ավտոճանապարհներ
Չեմ տեսել, որ ԱԺ-ի ընդդիմությունը բողոքում է Հ1-ի օբյեկտիվությունից. Սիսակ Գաբրիելյան․ ՏԵՍԱՆՅՈՒԹ
Քաղաքականություն
19.05.2023 | 20:51
Ազգային ժողովի «Քաղաքացիական պայմանագիր» խմբակցության պատգամավոր Սիսակ Գաբրիելյանը Factor TV-ի հետ զրույցում չի բացառում խորհրդարանում քննիչ հանձնաժողովի ստեղծումը, որը կուսումնասիրի հանրային հնչեղություն ունեցող քրեական գործերի ձգձգումը։
Իշխանական պատգամավորի խոսքով` ինքը ևս մտահոգիչ է համարում գործերի ընթացքը։
Սիսակ Գաբրիելյանը խոսել է նաև պետբյուջեից ֆինանսավորվող Հանրային հեռուստաընկերությանն ուղղված քննադատություններին։
Անդրադառնալով հարցին, թե որպես Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողով նախագահ, արձագանքե՞լ է արդյոք այն խնդիրներին, որոնք առկա են հարկատուներից շուրջ 7 միլիարդ ստացող Հանրային հեռուստաընկերությունում, Գաբրիելյանը նշեց․ «Ընդդիմությունից չեմ լսել, որ բողոքում է Հ1-ի օբյեկտիվությունից։ Խորհրդարանում ընդգրկված քաղաքական ուժի որևէ ներկայացուցիչ չի ասել, որ իր խոսքը արգելափակված է Հանրային հեռուստատեսությունում։
Եթե ընդդիմությունը գոհ է, իշխանությունը գոհ է, ապա դա նշանակում է, որ առնվազն օբյեկտիվությունը պահպանվում է այդ հեռուստաընկերությունում»։
Պատգամավորը նաև հավելեց, որ լիազորություններ չունի միջամտելու որևէ հեռուստատեսության լրագրողական քաղաքականությանը։
Մանրամասները` տեսանյութում։
