Քաղաքականություն
19.05.2023 | 23:16
Մեծ Բրիտանիայի թագուհի Եղիսաբեթ 2-րդի հուղարկավորությունը և սգո շրջանը բրիտանական կառավարությանն արժեցել են մոտ 162 միլիոն ֆունտ սթերլինգ (202 միլիոն դոլար)։ Այս մասին հայտնել է թագավորության Ֆինանսների նախարարությունը՝ հրապարակելով տվյալները։
Եղիսաբեթ 2-րդը մահացել է 2022 թվականի սեպտեմբերի 8-ին 97 տարեկանում։ Մեծ Բրիտանիայում այս կապակցությամբ 10-օրյա համազգային սուգ էր հայտարարվել։
Ներկայացված տվյալների համաձայն՝ Մեծ Բրիտանիայի ՆԳ նախարարությունը հուղարկավորության և դրա հետ կապված միջոցառումների համար վճարել է ամենամեծ գումարը՝ 74 միլիոն ֆունտ (92 միլիոն դոլար): Հաջորդը Մշակույթի, ԶԼՄ-ների և սպորտի նախարարությունն է՝ 57,4 մլն ֆունտ (71 մլն դոլար):
Թագուհու հուղարկավորությունը ֆինանսավորել են նաև Շոտլանդիայի (վճարել է ավելի շատ, քան մնացածը), Ուելսի և Հյուսիսային Իռլանդիայի կառավարությունները։ Մեծ Բրիտանիայի գանձապետարանը հայտնել է, որ այս երկրներին ամբողջությամբ փոխհատուցվել են իրենց ծախսերը»։
Թագուհու հուղարկավորությունն ամենամեծ ոստիկանական գործողությունն էր մայրաքաղաքի ոստիկանության համար՝ ըստ ազգային ոստիկանության ղեկավարների խորհրդի:
Տաթև Ֆռանգյան
