04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Թուրքիան քննադատել է ԱՄՆ-ին Կիպրոս ռազմանավ ուղարկելու համար՝ մեղադրելով Միջերկրականում հավասարակշռությունը խախտելու մեջ
Քաղաքականություն
19.05.2023 | 22:20
Թուրքիան քննադատել է ԱՄՆ-ին Կիպրոս ռազմանավ ուղարկելու համար՝ Վաշինգտոնին մեղադրելով Արևելյան Միջերկրական ծովում ուժերի հավասարակշռությունը խախտելու մեջ, գրում է Middle East Eye-ը։
Երեքշաբթի օրը նախատեսված այցով Կիպրոսի Լիմասոլ քաղաք է ժամանել USS Arleigh Burke ռազմանավը՝ կառավարվող հրթիռային կործանիչով:
Թուրքիայի ԱԳ նախարարությունը հայտարարություն է տարածել՝ քննադատելով այդ քայլը։
«ԱՄՆ-ի տարածաշրջանում ձեռնարկված քայլերը, որոնք խախտում են հավասարակշռությունը կիպրական թուրքական կողմի հաշվին, վնասում են Միացյալ Նահանգների երկարամյա չեզոք դիրքորոշմանը»,- ասվում է հայտարարությունում:
Այս հայտարարությունը երկու ամսից պակաս ժամանակում արդեն երկրորդ դեպքն է, երբ Թուրքիան քննադատում է ԱՄՆ-ին կղզում ռազմանավեր տեղադրելու համար: Ապրիլին էլ միջուկային էներգիայով աշխատող USS San Juan սուզանավն էր ժամանել Լիմասոլի նավահանգիստ, ինչն առաջացրել էր Անկարայի դժգոհությունը։
Հիշեցնենք՝ Կիպրոս կղզին բաժանված է 1974 թվականից ի վեր, երբ Թուրքիան գրավել է կղզու հյուսիսային երրորդ մասը՝ պատճառաբանելով, որ անհրաժեշտ է պաշտպանել կիպրացի թուրքերին։
Էմմա Չոբանյան
