08.10.2026 | 14:42
ՄԻՊ-ը Վարդենիսի խնամքի կենտրոնում աշխատանքի շահագործման և այլ խախտումներ է արձանագրել
Հարավային Կովկասում քաղաքականության հարցում Թուրքիայի և ՌԴ-ի միջև փոխըմբռնում կա՞․ Զախարովայի մեկնաբանությունը․ ՏԵՍԱՆՅՈՒԹ
Քաղաքականություն
17.05.2023 | 20:20
Հարավային Կովկասում կան հարցեր, որոնց շուրջ ՌԴ-ն և Թուրքիան ունեն շփման ընդհանուր գծեր ու համատեղ աշխատանք։ Կան նաև կետեր, որոնց շուրջ տեսակետները չեն համընկնում։ Այս մասին իր ամենշաբաթյա ճեպազրույցի ժամանակ պատասխանելով լրագրողի հարցին՝ արդյո՞ք Հարավային Կովկասում քաղաքականության հարցում Թուրքիայի ու ՌԴ-ի միջև փոխըմբռնում կա, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ինչպես հասկանում եք՝ իրավիճակը միատարր չէ։ Կան հարցեր, որոնց շուրջ ունենք շփման գծեր ու համատեղ աշխատանք։ Կան նաև կետեր, որոնց շուրջ մեր տեսակետները չեն համընկնում։ Դա նորմալ գործնական գործընթաց է, սակայն չպետք է ընդհանրական խոսենք, եկեք կոնկրետ մեկնաբանենք մեր փոխգործակցության որևէ մաս։ Կարող եմ հաջող փոխգործակցության օրինակ բերել ինչպես Հարավային Կովկասում, այնպես էլ Սիրիայում, և շատ կողմերի մասնակցությամբ բարդ հարցերի կարգավորում, օրինակ՝ տեղի ունեցավ քառակողմ հանդիպում (Մոսկվայում Թուրքիայի, Սիրիայի, Իրանի ու ՌԴ ԱԳՆ ղեկավարների հանդիպումը)։ 3-4 տարի առաջ ոչ ոք չէր կարող պատկերացնել, որ այդ հարցերի շուրջ ևս հնարավոր կլիներ պայմանավորվել»,- հայտարարել է Զախարովան՝ հավելելով, որ դրական փոխգործակցության բազմաթիվ օրինակներ կան։
Տաթև Ֆռանգյան
