Քաղաքականություն
17.05.2023 | 22:04
Իտալիայի հյուսիսում հեղեղվել է առնվազն 24 բնակավայր ու մայրուղի։ Հայտնի է 8 զոհվածի մասին, գրում է La Repubblica-ն։
Երկրի Քաղաքացիական պաշտպանության նախարար Նելլո Մուզումեչին նշել է, որ շրջանի բոլոր գետերը դուրս են եկել ափերից։
«Միջինում 36 ժամում 200 մմ տեղումներ են եղել, որոշ շրջաններում՝ 500 մմ։ Եթե հաշվի առնենք, որ տարեկան այս տարածքում 1000 մմ տեղումներ են լինում, կարելի է հասկանալ, թե ինչպիսի տարերքի մասին է խոսքը»,- ասել է նա։
Մուզումեչին հավելել է, որ 50 հազար մարդ մնացել է առանց էլեկտրականության։
Վերջին տվյալներով՝ զոհվել է առնվազն ութ մարդ, ևս չորսն անհետ կորած է համարվում։
Տարբեր քաղաքների բնակիչները ստիպված են եղել բարձրանալ տների տանիքներ՝ սպասելով փրկարարներին։ Մարզում փակ են ուսումնական հաստատությունները, դադարեցված է գնացքների երթևեկությունը։
Քաղաքացիական պաշտպանության գերատեսչությունը հայտարարել է եղանակային վտանգի ամենաբարձր՝ կարմիր մակարդակ։ Իտալիայի կառավարությունը Էմիլիա Ռոմանիա շրջանում արտակարգ դրություն է հայտարարել։
Bologna stamane. Mai vista una cosa così.#EmiliaRomagna pic.twitter.com/KL8mTBtxTK
— Fabio 🏳️🌈 (@Iperbole_) May 17, 2023
Non possiamo permettere che questa diventi la nuova normalità#nonchiamatelomaltempo #EmiliaRomagna pic.twitter.com/Llp8pij27z
— Fridays For Future Italia (@fffitalia) May 16, 2023
Faenza, corso Aurelio Saffi. #EmiliaRomagna pic.twitter.com/RAgvIguOyo
— Marco Fattorini (@MarcoFattorini) May 17, 2023
