06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Բախմուտի ուղղությամբ հետագա առաջխաղացում կա․ Ուկրաինայի ԶՈւ
Քաղաքականություն
17.05.2023 | 22:20
Ուկրաինացի զինվորականներն անցած օրերի ընթացքում առաջ են շարժվել Բախմուտի ուղղությամբ մինչև 500 մետր։ Այս մասին հայտարարել է Ուկրաինայի Զինված ուժերի Արևելյան խմբավորման խոսնակ Սերգեյ Չերևատին, գրում է Korrespondent-ը։
«Առանց մեծ թվով ռեզերվների, հակառակորդի նկատմամբ տեխնիկայի և անձնակազմի քանակական առավելության՝ մենք հաղթում ենք նրանց: Մենք հաջող պաշտպանական գործողություն ենք իրականացնում և հարձակվում եզրերում: Այս օրը բացառություն չէր. տարբեր ուղղություններով մինչև 500 մետր՝ ազատագրելով ուկրաինական հողերը, այն է՝ Բախմուտի ուղղությամբ»,- ասել է նա։
Նրա կարծիքով՝ ՌԴ ԶՈւ-ում հասկանում են, որ նախաձեռնությունն աստիճանաբար տեղափոխվում է Ուկրաինայի պաշտպանության ուժերի կողմը։
Տաթև Ֆռանգյան
