15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԱՄՆ-ը, ՌԴ-ն, հայությունը պիտի՛ կողմնորոշվեն և ասեն՝ մենք ո՞րբ ենք, թե՝ ոչ․ իմանանք՝ ո՞նց ԼՂ-ն և նրա ժողովրդին փրկենք․ Դավիթ Բաբայան. ՏԵՍԱՆՅՈՒԹ
Քաղաքականություն
17.05.2023 | 20:02
Բրյուսելում Հայաստանը և Ադրբեջանը վերահաստատել են միմյանց տարածքային ամբողջականությունը ճանաչելու հանձնառությունը։ Ըստ Եվրոպական խորհրդի նախագահի՝ Ադրբեջանը ճանաչում է Հայաստանի տարածքային ամբողջականությունը՝ 29 հազար 800 ք/կմ տարածքով, Հայաստանը ճանաչում է Ադրբեջանի տարածքային ամբողջականությունը՝ 86 հազար 600 ք/կմ-ով։
Արցախի նախագահի խորհրդական, հատուկ հանձնարարությունների գծով ներկայացուցիչ Դավիթ Բաբայանից Factor TV-ի հարցազրույցում հետաքրքրվեցինք՝ ի՞նչ գնահատական ունի, հատկապես, երբ հայտնի է, որ այդ 86 հազար 600 ք/կմ-ի մեջ մտնում է նաև Լեռնային Ղարաբաղը։
Արցախցի պաշտոնյան բացասական է գնահատում այս հայտարարությունը։
«Սա խայտառակություն է Եվրոպայի համար՝ Միշելը կրկնեց Չեմբեռլենի արարքը, երբ Չեխոսլովակցիան ծախեց նացիստական Գերմանիային։ Պիտի իմանանք՝ Միշելի հայտարարությունը կիսո՞ւմ են ԱՄՆ-ը, ՌԴ-ն, ՀՀ-ն, որ մենք էլ իմանանք, թե ինչ ենք անում։ Միշելը լեգիտիմացրեց Ադրբեջանի ագրեսիան, ի՞նչ է նշանակում՝ ԼՂ-ն Ադրբեջանի կազմում։ Ի՞նչ դիալոգ Ադրբեջանի հետ, բաց ասում են՝ ով չի ուզում ինտեգրում, թող դուրս գա։ Միշելը ձե՞ռք է առնում մեզ, Ալիևը բաց է ասում՝ կոտորելու ենք ձեզ, չեք ուզում՝ դուրս եկեք»,- ասաց Դավիթ Բաբայանը։
Հարցազրույցն ամբողջությամբ՝ տեսանյութում։
Ռոբերտ Անանյան
