06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
Լավրովի սպառնալիքն ուղղված է Արմեն Գրիգորյանին, որն ասաց՝ ՌԴ-ն զենք չի տալիս․ Կրեմլում կորցրել են ադեկվատությունը․ Միքայել Զոլյան. ՏԵՍԱՆՅՈՒԹ
Քաղաքականություն
17.05.2023 | 21:02
ՌԴ ԱԳ նախարարը «Ցարգրադ» հեռուստաալիքի եթերում հայտարարել է․ «Ես տեղյակ եմ (մենք նման տեղեկատվության տիրապետում ենք), որ [Արևմուտքը] հայերին ազդակներ է ուղարկում՝ «եկեք մեզ մոտ, քշեք ռուսներին ձեր տարածքից՝ թե՛ սահմանապահներին, թե՛ ռազմակայանը, ամերիկացիները կօգնեն ապահովել ձեր անվտանգությունը»»։
Նա դա սադրանք է որակել։ Իհարկե՝ վերապահումով պետք է մոտենալ Լավրովի այս հայտարարությանը, քանի որ նա ՀՀ-ի հարցում չի կաշկանդվել իրականությանը չհամապատասխանող տեղեկություն հայտնել և ՀՀ-ին օկուպանտ անվանել։
Factor TV-ին տված հարցազրույցում քաղաքագետ Միքայել Զոլյանը սպառնալիք է որակում Լավրովի այս հայտարարությունը՝ ուղղված Հայաստանին։ Նա անգամ նմանություններ է տեսնում պատերազմից առաջ Ուկրաինայի դեմ օգտագործված ռուսական բառապաշարի հետ։
«Լավրովը սպառնում է ՀՀ-ին, թե ամերիկացիներն ուղերձներ են ուղարկում՝ քշել ռուսներին։ Իրականում, Լավրովի ասածն է՝ ՀՀ-ն իրավունք չունի ինքնուրույն որոշել իր արտաքին քաղաքականությունը, որ ՀՀ-ում լինի ՌԴ-ի, թե՞ ԱՄՆ-ի ռազմաբազա, թե՞ ընդհանրապես չլինի։ Այս հարցը մեր ինքնիշխան իրավունքն է, և եթե վաղը ՌԴ-ին ասենք, որ չենք ուզում աշխատել իր հետ, չի կարող նեղանալ մեզանից։ ՌԴ իշխանության նեոիմպերիալիստական մոտեցումն է, որ ԱՊՀ-ի երկրները լիարժեք պետություն չեն, այլ կլիենտի կարգավիճակ ունեն։ Մոսկվան խանդում է, երբ Արևմուտքը գործում է «իր ազդեցության գոտում»։ Դրա իրավունքը չունեն»,- ասաց քաղաքագետը։
Հարցազրույցն ամբողջությամբ՝ տեսանյութում։
Ռոբերտ Անանյան
