11.08.2026 | 20:19
Միայն 4 օրում պարեկները վարորդների կողմից բեռների փոխադրման կանոնների խախտման 90 դեպք են արձանագրել
«Մեր հմուտ և փորձառու օդաչուները պատրաստ են մեծագույն պատվով կատարել իրենց առջև դրված խնդիրները»․Արմեն Գրիգորյան
30.06.2018 | 15:20
Անվտանգության խորհրդի քարտուղար Արմեն Գրիգորյանը Ֆեյսբուքյան պաշտոնական իր էջում շնորհավորել է ՀՀ ռազմաօդային ուժերի կազմավորման 26-րդ տարեդարձը:
Շնորհավորանքում Արմեն Գրիգորյանը համոզմունք է հայտնել՝ մեր հմուտ և փորձառու օդաչուները, այսօր առավել քան երբևէ, պատրաստ են մեծագույն պատվով և ամենայն պատասխանատվությամբ կատարել իրենց առջև դրված խնդիրները:
Գրառումն ամբողջությամբ ներքևում․
«Սիրելի հայրենակիցներ,
այսօր, հունիսի 30-ին հայ ժողովուրդը տոնում է ՀՀ ռազմաօդային ուժերի կազմավորման 26-րդ տարեդարձը:
ՀՀ ԶՈւ ռազմաօդային ստորաբաժանումները, կազմավորվելով հայրենիքի սահմաններում ընթացող պաշտպանական մարտական գործողություններին զուգընթաց, հետևողականորեն համալրվում են նորագույն սպառազինություններով և տեխնիկայով: Մեր հմուտ և փորձառու օդաչուները, այսօր առավել քան երբևէ, պատրաստ են մեծագույն պատվով և ամենայն պատասխանատվությամբ կատարել իրենց առջև դրված խնդիրները:
Փառք ՀՀ ԶՈւ-ի ռազմաօդային ուժերին»:
