16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Չինաստանը սպառնում է պատերազմով՝ ԱՄՆ-ի կողմից Թայվանին 500 միլիոն դոլարի սպառազինության մատակարարելու գործարքի պատճառով
Քաղաքականություն
16.05.2023 | 22:23
Չինաստանը կուժեղացնի պատերազմի նախապատրաստությունը՝ Թայվանի կողմից ԱՄՆ-ից զենք գնելու ֆոնին։ Այս մասին հայտարարել է Չինաստանի Պաշտպանության նախարարության պաշտոնական ներկայացուցիչ Թան Կեֆեյը՝ մեկնաբանելով Թայբեին 500 մլն դոլարի սպառազինություն տրամադրելու՝ Վաշինգտոնի մտադրությունը, գրում է Korrespondent-ը։
«Չինաստանի ժողովրդական ազատագրական բանակը, շարունակելով ռազմական պատրաստվածությունը, պատրաստվում է պատերազմի։ Մենք վճռական հակահարված կտանք, այսպես կոչված, Թայվանի անկախության շարժման անջատականների պլաններին, ինչպես նաև դրսից միջամտելու փորձերին»,- ասել է նա:
Թայվանի հարցը պետք է դիտվի որպես կարմիր գիծ չին-ամերիկյան հարաբերություններում, որը երբեք չպետք է հատել, հավելել է Թան Կեֆեյը:
Հիշեցնենք, որ Թայվանի զինված ուժերը մայիսին և հուլիսին կանցկացնեն ամենամյա լայնածավալ Հանգուան զորավարժությունները։
Ավելի վաղ հաղորդվում էր, որ ԱՄՆ-ը կարող է իր զինվորականներին Թայվան ուղարկել՝ կղզի Չինաստանի ներխուժման դեպքում։
Տաթև Ֆռանգյան
