ԱՀԿ-ն կոչ է անում զգույշ լինել արհեստական բանականությունն օգտագործելիս ու զգուշացնում ռիսկերի մասին

Առողջապահության համաշխարհային կազմակերպությունը (ԱՀԿ) կոչ է անում զգուշավորություն ցուցաբերել արհեստական բանականության (AI) ստեղծած լեզվական մոդելային գործիքների (LLMs) օգտագործման ժամանակ՝ պաշտպանելու և խթանելու մարդու բարեկեցությունը, մարդու անվտանգությունն ու ինքնավարությունը և պահպանելու հանրային առողջությունը:

LLMs-ը ներառում է այնպիսի տարածված հարթակներ, ինչպիսիք են ChatGPT-ն, Bard-ը, Bert-ը և շատ ուրիշներ, որոնք ընդօրինակում են մարդկային հաղորդակցության ըմբռնումը, մշակումը և վերարտադրությունը։

ԱՀԿ-ն նշում է՝ կարևոր է, որպեսզի ռիսկերն ուշադիր ուսումնասիրվեն, երբ օգտագործվում են LLMs-ները՝ բարելավելու առողջապահական տեղեկատվության հասանելիությունը, որպես որոշումներ կայացնելու գործիք կամ նույնիսկ բարձրացնելու ախտորոշիչ կարողությունները անբավարար ռեսուրսներով միջավայրերում՝ պաշտպանելու մարդկանց առողջությունը և նվազեցնելու անհավասարությունը: Թեև ԱՀԿ-ն ոգևորված է նման տեխնոլոգիաների, ներառյալ՝ LLM-ը, համապատասխան կիրառմամբ՝ առողջապահական մասնագետներին, հիվանդներին, հետազոտողներին և գիտնականներին աջակցելու համար, մտահոգություն կա, որ զգուշավորությունը, որը սովորաբար դրսևորվում է, հետևողականորեն չի պահպանվում այս դեպքում։

Ձգտելով օգտագործել նոր տեխնոլոգիաները, ներառյալ՝ արհեստական բանականությունը և թվային առողջությունը, մարդկանց առողջությունը բարելավելու համար, ԱՀԿ-ն խրախուսում է քաղաքականություն մշակողներին պահել հիվանդներին անվտանգ և պաշտպանված՝ մինչ տեխնոլոգիական ընկերություններն աշխատում են LLM-ի ուղղությամբ:

ԱՀԿ-ն առաջարկում է անդրադառնալ այս մտահոգություններին և ձեռք բերել օգտակարության հստակ ապացույցներ՝ նախքան դրանց լայնածավալ օգտագործումն առողջապահության և բժշկության մեջ։

Էմմա Չոբանյան