Քաղաքականություն
16.05.2023 | 21:56
Երեք թուրք զինծառայող է զոհվել, մեկը՝ ծանր վիրավորվել Քուրդիստանի աշխատավորական կուսակցության (PKK) հետ կապված քուրդ զինյալների հետ բախումների ժամանակ, գրում է Անադոլու գործակալությունը։
Բախումները տեղի են ունեցել Թուրքիայի քրդաբնակ Շըրնաք նահանգի լեռնային Բեսթլեր Դերելեր շրջանում ռազմական գործողության համատեքստում, այն բանից հետո, երբ PKK-ի զինյալների մի փոքր խումբ շրջապատվել է զորքերի կողմից։
Ռազմական գործողությունն իրականացվել է հատուկ նշանակության, հրամանատարական ստորաբաժանումների և տեղի պահակախմբի մասնակցությամբ՝ անօդաչու թռչող սարքերի, ուղղաթիռների և ռազմական ինքնաթիռների աջակցությամբ։
Նշվում է նաև, որ PKK-ի երեք մարտիկ է սպանվել։
Էմմա Չոբանյան
