27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Քըլըչդարօղլուն խոստացել է, որ պայքարելու է մինչև վերջ
Քաղաքականություն
16.05.2023 | 20:14
Թուրքիայի ընդդիմության նախագահի միասնական թեկնածու Քեմալ Քըլըչդարօղլուն հայտարարել է, որ մինչև վերջ պայքարելու է, գրում է Bianet-ը։
«Ես այստեղ եմ, այո՛, և դու նույնպես այստեղ ես։ Ես խոստանում եմ, որ պայքարելու եմ մինչև վերջ, ես այստեղ եմ»,- ասել է նա թվիթերյան միկրոբլոգում հրապարակված տեսանյութում։
Ավելի վաղ Քըլըչդարօղլուն Թվիթերում գրառմամբ դիմել էր հանրությանը. «Սիրելի՛ ժողովուրդ, երեկվանից մենք անխոնջ աշխատում ենք։ Երբեք մի կորցրեք հույսը։ Ես կանգնելու եմ։ Ես ձեզ հետ կկիսվեմ իրավիճակի իմ համապարփակ վերլուծությամբ։ Միասին մենք կբարձրանանք և կապահովենք հաղթանակ այս ընտրություններում, ի վերջո, մեր ազգի ձայնն է լինելու, որը հաղթելու է»։
Հավելենք, որ մայիսի 14-ին տեղի ունեցած Թուրքիայի նախագահական ընտրություններում Ռեջեփ Թայիփ Էրդողանը հավաքել էր ձայների 49,50 տոկոսը, իսկ Քեմալ Քըլըչդարօղլուն՝ 44,8 տոկոսը։ Քանի որ թեկնածուներից ոչ մեկը չի հատել անհրաժեշտ 50%-ի շեմը, մայիսի 28-ին նախատեսված է քվեարկության երկրորդ փուլ, որին կմասնակցեն միայն Էրդողանն ու Քըլըչդարօղլուն։
Էմմա Չոբանյան
