26.06.2026 | 23:19
Վթար Շաղատ գյուղում․ վարորդը տեղում մահացել է
Պուտինի նոր հրամանագրով փոխվում է պայմանագրային ծառայություն անցնող օտարերկրացիներին պարզեցված կարգով ՌԴ քաղաքացիություն տալու կարգը
Քաղաքականություն
15.05.2023 | 23:35
ՌԴ նախագահ Վլադիմիր Պուտինը նոր հրամանագիր է ստորագրել, որով փոփոխվում է պայմանագրային զինծառայություն անցնող օտարերկրացիներին պարզեցված կարգով ՌԴ քաղաքացիություն տալու կարգը, փոխանցում է BBC-ի ռուսական ծառայությունը։
Աշնանը Պուտինի ստորագրած հրամանագրով նախատեսվում էր, որ առնվազն մեկ տարով ռազմական պայմանագիր կնքած օտարերկրացիներին ՌԴ անձնագրեր կտրամադրվի պարզեցված ընթացակարգով, միայն այն դեպքում, եթե նրանք մասնակցեն ռազմական գործողություններին առնվազն վեց ամիս:
Հրամանագրի նոր տարբերակում ոչինչ չի ասվում ռազմական գործողություններին անմիջական մասնակցության մասին, սակայն նշվում է Ուկրաինայի դեմ պատերազմի մասին, որը ՌԴ իշխանություններն անվանում են «հատուկ ռազմական գործողություն», իսկ պայմանագիրը պետք է կնքվի մեկ տարի ժամկետով։
Ռուսաստանի քաղաքացիություն ստանալու պարզեցված ռեժիմ կարող են «պահանջել օտարերկրյա քաղաքացիները, որոնք զինվորական ծառայության պայմանագրեր են կնքել հատուկ ռազմական գործողության ընթացքում»։
