07.10.2026 | 23:48
Արթուր Դանիելյանը կալանավորվեց
Քըլըչդարօղլուն հայտնել է, որ ընդդիմությունն ընտրություններում առջևում է
Քաղաքականություն
14.05.2023 | 22:51
Թուրքիայում շարունակվում է այսօր՝ մայիսի 14-ին տեղի ունեցած ընտրությունների քվեթերթիկների հաշվարկը։ Պետական լրատվամիջոցների հաղորդմամբ՝ առաջատարը գործող նախագահ Ռեջեփ Թայիփ Էրդողանն է, իսկ ընդդիմությունը հակառակի մասին է հայտարարում։
Ընդդիմության նախագահի միասնական թեկնածու Քեմալ Քըլըչդարօղլուն հայտում է, որ նախագահական ընտրություններում առաջատարն ինքն է։
«Մենք առջևում ենք»,- գրել է Քըլըչդարօղլուն թվիթերյան իր էջում։
Ստամբուլի և Անկարայի ընդդիմադիր քաղաքապետեր Էքրեմ Իմամօղլուն և Մանսուր Յավաշն իրենց հերթին կոշտ քննադատության են ենթարկել պետական Անադոլու գործակալությունը՝ Թուրքիայի նախագահական ընտրությունների արդյունքների մասին ապակողմնորոշիչ տեղեկություններ հայտնելու համար։ Իմամօղլուն գործակալությանը մեղադրել է արժանահավատության բացակայության մեջ՝ զգուշացնելով քաղաքացիներին՝ չվստահել պետական լրատվականին։
«Անադոլու գործակալության համբավը զրոյից ցածր է, այն արժանահավատ կողմ չէ»,- ասել է Իմամօղլուն։
Քրդամետ ընդդիմադիր Ժողովուրդների դեմոկրատական կուսակցության համանախագահ Փերվին Բուլդանը ևս հայտարարել է, որ Անադոլուն բացահայտ մանիպուլացնում է ընտրությունների արդյունքները։
Էմմա Չոբանյան
