13.05.2026 | 13:45
Ախալցխայում հայկական եկեղեցուց սրբապատկերները դուրս են բերվել և նետվել աղբամանի մոտ. հետաքննություն է սկսվել․ ԼՈՒՍԱՆԿԱՐՆԵՐ
20 տարի առաջ Թատերականում այսքան տաղանդավոր ուսանողներ չեն եղել, բայց ներուժը չի օգտագործվում. ռեկտոր․ ՏԵՍԱՆՅՈՒԹ
Հասարակություն
13.05.2023 | 19:02
«Այո´, մենք կրթական ծրագրերը թարմացնելու և արտերկրի գործընթացներին համապատասխանեցնելու կարիք ունենք, եթե ուզում ենք լինել մրցունակ: Օրինակ` ունենք «Արվեստի կառավարում» ֆակուլտետ, որտեղ ոչ ոք չի գալիս, բայց եթե անվանումը վերաբրենդավորվի, դառնա «Թատրոնի և կինոյի պրոդյուսինգ», այն միանգամից կհրապուրի դիմորդին: Մենք ուսանողների հետ ժամանակակից լեզվով չենք խոսում: Մեր բուհը ներկայանալու խնդիր ունի»,- Factor TV-ի հետ զրույցում նման տեսակետ է հայտնում ԵԹԿՊԻ ռեկտոր Սառա Նալբանդյանը:
Նրա խոսքով` Թատերական ինստիտուտի ներուժն այժմ ճիշտ չի օգտագործվում՝ այն դեպքում, երբ կան մեծ թվով շնորհալի ուսանողներ։
«20-30 տարի առաջ այս քանակությամբ տաղանդավոր ուսանողներ չենք ունեցել: Բայց կան վատ որակի սերիալներ, որտեղ երբեմն հայտնվում են մեծ պոտենցիալով սաներ և լճանում են»,- ասում է ռեկտորը:
Նրան զարմացնում է այն հանգամանքը, որ «Սցենարի վարպետությունը», որը մեծ պահանջարկ ունի ամբողջ աշխարհում, Հայաստանում պահանջարկ չունի։
«Մեր ռեժիսորները մտածում են, որ առանց սցենարիստի էլ կարող են ֆիլմ նկարել: Թատրոնում դրամատուրգների մեծագույն սով ունենք: Իհարկե, կան գրող մարդիկ, բայց այնպիսիք, որոնց պրոդուկտն անընդհատ կբեմադրվի, չկան: Մենք փորձելու ենք լրացնել այդ բացը և հագեցնել այդ սովը»,- նշում է Սառա Նալբանդյանը:
Մանրամասները` տեսանյութում:
Աննա Բաբաջանյան
