Կարճաղբյուրի ձկնաբուծական գործարանից Սևանա լիճ է բաց թողնվել Սևանի իշխանի 130 հազար մանրաձուկ

Լուրեր

18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
Բոլորը

Գեղարքունիքի մարզի Վարդենիս համայնքի Կարճաղբյուր գյուղի՝ «Սեւանի իշխան» ՓԲԸ ձկնաբուծական գործարանից Սեւանա լիճ է բաց թողնվել Սեւանի իշխանի «Գեղարքունի» ենթատեսակի 11 գրամ քաշ ապահովող 130 հազար հատ մանրաձուկ․ տեղեկացնում են ՇՄՆ-ից։

«Միջոցառմանը մասնակցեցին ՀՀ Շրջակա միջավայրի նախարար Հակոբ Սիմիդյանը, փոխնախարար Արամ Մեյմարյանը, Գեղարքունիքի մարզպետ Կարեն Սարգսյանը, «Սեւան Ազգային պարկ»-ի տնօրեն Կարեն Մնացականյանը, «Սեւանի իշխան» ՓԲԸ տնօրեն Տիգրան Վարդանյանը, «Սեւանի իշխանի պաշարների վերականգնման եւ ձկնաբուծության զարգացման հիմնադրամի» տնօրեն Դավիդ Շանոյանը, պաշտոնական այլ անձինք ։

Մանրաձուկը բաց թողնվեց Կարճաղբյուր գյուղի տարածքում։ Այնուհետ նախարարն այցելեց «Սեւանի իշխան» ՓԲԸ Կարճաղբյուրի ձկնաբուծական գործարան եւ Սեւանա լճի՝ Լճափ գյուղի տարածքում գտնվող ցանցավանդակային տնտեսություն, ծանոթացավ մանրաձկան արտադրության ամբողջական ցիկլին, առկա հիմնախնդիրներին եւ անելիքներին, զրուցեց աշխատակիցների հետ։ Անդրադառնալով աշխատանքային այցին եւ միջոցառման կարեւորությանը՝ ՀՀ Շրջակա միջավայրի նախարար Հակոբ Սիմիդյանը նշեց, որ նախարարության հիմնական քաղաքականությունն ուղղված է Սեւանի իշխանի տեղածին ենթատեսակների բնական վերարտադրության ապահովմանը։

«Չնայած այն հանգամանքին, որ «Սեւանի իշխան» ԲԲԸ Կարճաղբյուրի ձկնաբուծական գործարանը յուրաքանչյուր տարվա ընթացքում ապահովում է մանրաձկան արտադրությունն ու բացթողումը Սեւանա լիճ, սակայն առայժմ մենք գոհացուցիչ արդյունք չենք տեսնում, քանի որ այն պայմանավորված է նաեւ բնապահպանական եւ ոչ բնապահապանական նշանակության այլ խնդիրներով, որոնք կապված են Սեւանա լիճ թափվող գետերի մաքրության, ոռոգման շրջանում ջրառների կանոնակարգման, կազմակերպչական այլ հարցերի հետ։ Այդ պատճառով էլ մենք պետք է մանրամասն բոլոր խնդիրները դիտարկենք մեկ ընդհանուր շրջանակի մեջ եւ հասնենք մեր հիմնական նպատակին՝ Սեւանա լճում իշխանի ենթատեսակների բնական վերարտադրության ապահովմանը»,-ներկայացրեց նախարարը։

«Սեւանի իշխան» ՓԲԸ տնօրեն Տիգրան Վարդանյանի հավաստմամբ՝ ընկերությունն այս տարի ծրագրել է Սեւանա լիճ բաց թողնել Սեւանի իշխանի Գեղարքունի ենթատեսակի 230 հազար հատ մանրաձուկ, որից շուրջ 130 հազարը բաց թողնվեց այժմ, իսկ մնացած 100 հազարը բաց կթողնվի մինչեւ տարեվերջ»,- ասված է հաղորդագրությունում։