26.06.2026 | 23:19
Վթար Շաղատ գյուղում․ վարորդը տեղում մահացել է
Միջերկրական ծովի հատակին 7000-ամյա ճանապարհ է հայտնաբերվել
Քաղաքականություն
12.05.2023 | 22:58
Խորվաթիայի հարավային ափերի մոտ՝ Միջերկրական ծովի հատակին հնագետներն արբանյակային լուսանկարների միջոցով հայտնաբերել ու պեղել են յոթհազարամյա ճանապարհի մնացորդներ, որոնք ծածկված են եղել ծովի տիղմի շերտերի տակ։ Այս մասին գրում է Science Alert-ը։
Նշվում է, որ սա ապշեցուցիչ գտածո է, որն արվել է նեոլիթյան խորտակված Սոլինի վայրում, հնարավոր է՝ այն ժամանակին կապել է Հվարի մշակույթի հնագույն բնակավայրն այժմ մեկուսացված Կորչուլա կղզու հետ:
Հետազոտողները կարծում են, որ նեոլիթյան դարաշրջանի հվարյան մշակույթը, որը ժամանակին ակտիվ է եղել Արևելյան Ադրիատիկում, կառուցել է այժմ ջրի տակ անցած Սոլին բնակավայրը և կղզիները միացնող հնագույն անցումը:
Պահպանված փայտանյութի ռադիոածխածնային թվագրման միջոցով պարզվել է, որ բնակավայրը եղել է մ.թ.ա. 4900-ին։
Տաթև Ֆռանգյան
