19.05.2024 | 17:27
Արարատ Միրզոյանը մայիսի 20-ին աշխատանքային այցով կմեկնի Վիեննա
Սահմանային հարձակումները կշարունակվեն այնքան, քանի դեռ խաղաղություն չի եկել մեր տարածաշրջան․ Էդմոն Մարուքյան
Քաղաքականություն
11.05.2023 | 14:48
Սահմանային հարձակումները կշարունակվեն այնքան, քանի դեռ խաղաղություն չի եկել մեր տարածաշրջան, իսկ հայկական կողմը բանակցում է դրա համար։ Այս մասին լրագրողների հետ զրույցում ասել է Հայաստանի հատուկ հանձնարարություններով դեսպան Էդմոն Մարուքյանը։
«Վարչապետի հայտարարարություններին ավելացնելու ոչինչ չունեմ, դուք ունեք ամենաթարմ տեղեկատվությունը»,- նշել Մարուքյանը։
Մարուքյանն անդրադարձել է նաև իր կատարած աշխատանքին՝ նշելով, որ դրա մեծ մասը հրապարակման ենթակա չէ։
Հիշեցնենք, որ այսօր՝ ժամը 06:00-ից, Ադրբեջանի ԶՈւ ստորաբաժանումները հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ: Ադրբեջանական սադրանքի հետևանքով հայկական կողմն ունի 4 վիրավոր։ Ադրբեջանական սադրանքի հետևանքով վիրավորում ստացած 4 զինծառայողների կյանքին վտանգ չի սպառնում:
ՊՆ-ն հաղորդում է, որ ժամը 14:00-ի դրությամբ՝ իրադրությունն առաջնագծում հարաբերականորեն կայուն է:
