22.11.2024 | 16:11
Բրիտանացի կրիպտոարժույթի մայների ընկերուհին աղբամանն է նետել 750 միլիոն դոլար արժողությամբ կոշտ սկավառակը
Թուրքիան ակնկալում է հացահատիկային գործարքը երկարաձգել առնվազն երկու ամսով
Քաղաքականություն
11.05.2023 | 22:14
Թուրքիայի արտաքին գործերի նախարար Մևլութ Չավուշօղլուն հույս է հայտնել, որ ուկրաինական հացահատիկի արտահանման պայմանագիրը կերկարաձգվի առնվազն երկու ամսով, գրում է BBC-ի ռուսական ծառայությունը։
Մոսկվայից Անթալիայի օդանավակայան ժամանելիս թուրք նախարարը հայտնել է, որ հացահատիկային գործարքը եղել է այն հարցերից մեկը, որն ինքը քննարկել է ՌԴ ԱԳ նախարար Սերգեյ Լավրովի հետ հանդիպմանը։
«Կարծում եմ՝ մենք կարող ենք արդյունք ստանալ համաձայնագիրը ևս երկու ամսով երկարաձգելու համար»,- ասել է Չավուշօղլուն։
Հիշեցնենք, որ գործող համաձայնագրի ժամկետը լրանում է մայիսի 18-ին։ Չորեքշաբթի Ստամբուլում բանակցություններ են սկսվել Ռուսաստանի, Թուրքիայի, Ուկրաինայի և ՄԱԿ-ի ներկայացուցիչների միջև՝ հացահատիկային գործարքի երկարաձգման հարցը քննարկելու համար։
Տաթև Ֆռանգյան
