16.09.2026 | 15:28
Մինսկն ազատ է արձակել 25 քաղբանտարկյալի․ ի պատասխան՝ ԱՄՆ-ն կչեղարկի բելառուսական 2 ընկերությունների դեմ պատժամիջոցները
Ռազմական ոստիկանության պետ Արթուր Բաղդասարյանը կազատվի՞ պաշտոնից․ նրան փոխարինողի թեկնածությունն է քննարկվում
Հասարակություն
29.06.2018 | 16:40
Factor.am-ի տեղեկություններով առաջիկայում պաշտոնանկ կարվի ՀՀ ՊՆ ռազմական ոստիկանության պետ, գնդապետ Արթուր Բաղդասարյանը:
Մեր աղբյուրի փոխանցմամբ՝ այս պահին որպես նոր ՌՈ պետ քննարկվում է Երևանի ռազմական ոստիկանության բաժնի պետ Աշոտ Զաքարյանի թեկնածությունը:
Աշոտ Զաքարյանը, հիշեցնենք, Արցախյան պատերազմի մասնակից է: 1993-2003 թվականներին զբաղեցրել է Գյումրու ռազմական ոստիկանության պետի պաշտոնը: 2008 թվականի նախագահական ընտրությունների ժամանակ Զաքարյանը աջակցել է ՀՀ առաջին նախագահ Լևոն Տեր-Պետրոսյանի թեկնածությանը, որն էլ հետագայում պատճառ է դարձել նրա դեմ քրեական գործեր հարուցելուն և քաղաքական հետապնդում իրականացնելուն:
Տեղեկութունը ճշտելու համար կապ հաստատեցինք Աշոտ Զաքարյանի հետ: Նրանից հետաքրքրվեցինք՝ առաջարկ ստացե՞լ է զբաղեցնելու Ռազմական ոստիկանության պետի պաշտոնը և եթե, այո, ապա կընդունի այդ առաջարկը: Պարոն Զաքարյանը նախ նշեց, որ չի ցանկանում մեկնաբանել այդ տեղեկությունը, ապա հավելեց․ «Ես նման տեղեկություն չունեմ»։
Նույն հարցով դիմեցինք նաև Պաշտպանության նախարարության մամուլի խոսնակ Արծրուն Հովհաննիսյանին, որը ևս հրաժարվեց որևէ մեկնաբանություն տալ:
Հիշեցնենք՝ օրեր առաջ Factor.am-ը «Ռազմական ոստիկանության աշխատակիցների պնդմամբ՝ ՌՈ-ում կոռուպցիան չի վերացել, գոյություն ունի գնացուցակ՝ 1500 դոլարից մինչև և 7000 դոլար» վերտառությամբ հոդվածով անդրադարձել էր ՌՈ պետ Արթուր Բաղդասարյանին և նրա գործունեությանը:
