15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Գարեգին Բ-ն ուղերձով դիմել է հոգևոր հայրերին և հավատացյալ ժողովրդին՝ հորդորելով բողոքի ակցիա չանցկացնել հունիսի 30-ին
29.06.2018 | 15:32
Ամենայն Հայոց կաթողիկոս Գարեգն Բ-ն ուղերձ է հղել, որով դիմելով հոգևոր հայրերին և հավատացյալ ժողովրդին, հորդորել է բողոքի ակցիա չանցկացնել հունիսի 30-ին:
«Սիրելի´ հոգևոր հայեր և բարեպաշտ հավատավոր ժողովուրդ: Շաբաթներ ի վեր մի խումբ հայորդիներ, որոնց շարքում 3 եկեղեցական, Սուրբ Աննա եկեղեցու բակում կազմակերպում են բողոքի ցույցեր՝ Հայոց հայրապետի հրաժարականի պահանջով: Հունիս 30-ին նրանք նախաձեռնել են բողոքի միջոցառումը կազմակերպել Էջմիածին քաղաքում: Ի պատասխան այս նախաձեռնության՝ մեր հավատավոր զավակները տարբեր համայնքներից և եկեղեցու հոգևոր սպասավորները հայտարարություն են տարածել, որ այցելելու են Էջմիածին, որ իրենց զորակցությունը բերեն Հայոց Հայրապետին:
Նկատի ունենալով, որ հուզական լարված այս իրավիճակում կարող են տեղ գտնել անցանկալի երևույթներ և սադրիչ գործողություններ, կարող է վտանգվել մեր հավատավոր զավակների բարի անունը և մեր եկեղեցու բարի համբավը, Հայրապետիս հորդորն ու խնդրանքն է, որպեսզի եկեղեցու մեր սպաասավորներ՝ իրենց հավատացյալներով, վերապահ գտնվեն և զերծ մնան իրենց նախատեսած ծրագրի իրականացումից:
Մեր հորդորն է, որ այդ նվիրական օրը, երբ եկեղեցին տոնում է 12 առաքյալների տոնը, մեր ժողովրդի զավակներն անցկացնեն աղոթքով»,- ասել է Գարեգին Բ-ն:
