28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
«Պատերազմ սկսելու վտանգն իրական է․ Ադրբեջանի հասարակությունը պատրաստ է պատերազմի»․ Արա Պապյան․ ՏԵՍԱՆՅՈՒԹ
Քաղաքականություն
29.06.2018 | 13:24
Արցախի սահմանին իրավիճակը շարունակում է լարված մնալ և այդ լարումն ավելի կավելանա, երբ հաջորդ շաբաթ Ադրբեջանը սկսի լայնամասշտաբ զորավարժություններ։ Սահմանը լարված է նաև Նախիջևանի հատվածից, քանի որ օր օրի այնտեղ ավելանում են զորքի և զինտեխնիկայի կուտակումներ։
«Մոդուս Վիվենդի» կենտրոնի նախագահ Արա Պապյանն այսօր հրավիրված մամուլի ասուլիսի ժամանակ, անդրադառնալով սահմանային լարվածությանն ու Ադրբեջանի վարած քաղաքականությանը, նշեց․ «Պատերազմի վտանգն իրական է այն առումով, որ Ադրբեջանի հասարակությունը պատրաստ է պատերազմ սկսելու։ Ես հույս ունեմ, որ Ալիևը նման արկածախնդրության չի գնա, քանի որ ավելի մեծ խաղացողները նման ցանկություն չունեն։ Հերթական պատերազմական լարում ունենալու պարագայում երկու կողմերից էլ կլինեն հարյուրավոր զոհեր»։
Արա Պապյանը նշեց, որ Ալիևն իր քաղաքացիներին մշտապես կերակրում է այն հռետորաբանությամբ, որ փողերը ծախսվում են բանակն ամրապնդելու համար, իսկ իրականում լուծում է գանձագողության հարց։ «Արցախյան հակամարտությունն օգտագործվում է Ադրբեջանի ներքին խնդիրները լուծելու համար»,- ասաց «Մոդուս Վիվենդի» կենտրոնի նախագահը։
Մանրամասները՝ տեսանյութում։
