16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ոչ ոք չէր ակնկալում հրաշքներ, բոլոր խնդիրների լուծում․ Պարույր Հովհաննիսյան
Քաղաքականություն
09.05.2023 | 13:03
«Վաշինգտոնում չորս օր տևած բանակցություններն աննախադեպ էին»,- «Հաղթանակ» զբոսայգում լրագրողների հետ զրույցում հայտարարեց ԱԳ փոխնախարար Պարույր Հովհաննիսյանը` հավելելով՝ կողմերը բոլոր ջանքերը գործադրել են խաղաղության օրակարգը հնարավորինս առաջ մղելու համար։
«Վաշինգտոնում բանակցությունները 4 օր տևեցին, և այդ առումով այն աննախադեպ էր: Արդեն իսկ դրական փաստ էր մեր փորձերը առաջ տանել խաղաղության գիծը: Մյուս կողմից՝ ոչ ոք չէր ակնկալում հրաշքներ, բոլոր խնդիրների լուծում: Աշխատանքը շարունակվելու է: Եվրոպական խորհրդի նախագահ Շառլ Միշելն արդեն հայտարարել է, որ հաջորդ հանդիպումը տեղի կունենա Բրյուսելում, այնուհետև կշարունակվի Մոսկվայում եռակողմ ձևաչափով»,- հայտնեց փոխնախարարը։
Լրագրողի հարցին՝ կա՞ն հարցեր, որոնց շուրջ կողմերն ընդհանուր հայտարարի են եկել, փոխնախարարը արձագանքեց․ «Հիմա բարդ է առանձնացնել 1-2 հարց: Բայց փաստը, որ բանակցությունները շարունակվում են այդպիսի ինտենսիվությամբ, արդեն լավ նշան է»։
Ինչ վերաբերում է «Նեմեսիս» հուշարձանի շուրջ աղմուկին, փոխնախարարը շեշտեց․ «Ցավալի է, որ մինչև այսօր այդ հարցում չունենք ճիշտ մոտեցում, որն ակնկալվում է։ Բացի այդ՝ չմոռանանք այնտեղ ընտրական գործընթացներ են և շատ հայտարարություններ պետք է դիտարկել այդ տեսանկյունից»։
