24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ռուս-ադրբեջանական միջգերատեսչական խորհրդակցություններ են անցկացվել
Քաղաքականություն
05.05.2023 | 22:21
Բաքվում տեղի են ունեցել միջազգային տեղեկատվական անվտանգության ապահովման խնդիրների շուրջ ռուս-ադրբեջանական միջգերատեսչական խորհրդակցություններ: Այս մասին տեղեկանում ենք ՌԴ Անվտանգության խորհրդի կայքից։
«Ադրբեջանի Անվտանգության խորհրդի քարտուղար Ռամիլ Ուսուբովը, ողջունելով խորհրդակցությունների մասնակիցներին, նշել է անվտանգության ոլորտում Ռուսաստանի և Ադրբեջանի միջև համագործակցության հաջող զարգացումը: Խորհրդակցությունների ընթացքում կարծիքների առարկայական փոխանակում է տեղի ունեցել Ռուսաստանի Դաշնության կառավարության և Ադրբեջանի Հանրապետության կառավարության միջև միջազգային տեղեկատվական անվտանգության ապահովման ոլորտում համագործակցության մասին համաձայնագրի կատարման շրջանակում երկկողմ փոխգործակցության հարցերի շուրջ:
Կողմերը հաստատել են ՄԱԿ-ի Կանոնադրության սկզբունքների հիման վրա տեղեկատվական ոլորտում սպառնալիքների չեզոքացման հարցում ռուսական և ադրբեջանական մոտեցումների սերտությունը։ Խորհրդակցությունների արդյունքում համաձայնեցվել է միջազգային տեղեկատվական անվտանգության ապահովման ոլորտում համագործակցության հիմնական ուղղությունների իրականացման 2023-2025 թվականների պլանի նախագիծը»,- ասված է հաղորդագրության մեջ:
