15.01.2025 | 14:18
Մարությանը դիմեց Փաշինյանին․ ՏԵՍԱՆՅՈՒԹ
Իրանը ցուցադրել է պատժամիջոցների տակ գտնվող ռուսական ինքնաթիռների սպասարկումը
Քաղաքականություն
05.05.2023 | 23:06
Իրանական Mahan Air ավիաընկերությունը ցուցադրել է ռուսական «Աերոֆլոտ» ընկերությանը պատկանող և պատժամիջոցների տակ գտնվող արևմտյան արտադրության Airbus A330-300 ռուսական օդանավերի սպասարկման տեսահոլովակը: Իրանցի օդաչուները սովորել են ինքնուրույն օդանավ սպասարկել: Այս մասին հայտնում է Avianews-ը, փոխանցում է Korrespondent-ը։
«Աերոֆլոտ»-ն իր պատմության մեջ առաջին անգամ ինքնաթիռ է ուղարկել Թեհրան, որպեսզի իրանցի մասնագետները կատարեն ծանր տեխնիկական սպասարկում։
Եվրամիությունը և ԱՄՆ-ը պատժամիջոցներ են սահմանել ռուսական ավիացիայի դեմ Ուկրաինա ռուսական ներխուժումից հետո։ Այժմ ՌԴ-ի արևմտյան արտադրության ինքնաթիռները չեն կարող սպասարկվել պաշտոնական սպասարկման կենտրոններում։ Ռուսական «Աերոֆլոտ»-ը բաց է թողել արևմտյան արտադրության Airbus և Boeing ինքնաթիռների պահեստամասերը պաշտոնապես ստանալու հնարավորությունը։
Իրանը տասնամյակներ շարունակ պատժամիջոցների տակ է եղել, ուստի տեղացի օդաչուները սովորել են, թե ինչպես սեփական ուժերով սպասարկեն ինքնաթիռները, և ստեղծել են ոչ պաշտոնական պահեստամասերի մատակարարման ուղիներ:
«Աերոֆլոտի» ինքնաթիռն Իրան է ժամանել 2023 թվականի ապրիլի 5-ին՝ ծանր սպասարկման C-check-ի համար, ասվում է տեսանյութի նկարագրության մեջ։
Տաթև Ֆռանգյան
