Քաղաքականություն
05.05.2023 | 22:41
Ուկրաինայի թվային ձևափոխման նախարար Միխայիլ Ֆեդորովը հայտարարել է, որ «Դրոնների բանակը» կառավարական ծրագրի շրջանակում երկրում արդեն ԱԹՍ-ի 10 հազար օպերատոր է պատրաստվել, գրում է BBC-ի ռուսական ծառայությունը։
Կադրերի վերապատրաստումն իրականացվում է 20 մասնագիտացված դպրոցների կողմից ամբողջ հանրապետությունում։
«Դրոնների բանակը» ծրագիրը նախատեսված է անօդաչու թռչող սարքերի արտադրության և օգտագործման համար։ Այն գոյություն ունի ամբողջ աշխարհի մարդկանց նվիրատվությունների հաշվին, ովքեր հավաքել են 325 միլիոն դոլար:
Փորձագետների կարծիքով՝ ժամանակակից պատերազմի պայմաններում հատկապես արժեքավոր է հետախուզական անօդաչու թռչող սարքերը կառավարելու ունակությունը։
Տաթև Ֆռանգյան
