Կանադան սպառնում է չինացի դիվանագետների արտաքսումով՝ Պեկինին քննադատած կանադացի պատգամավորի հարազատների մասին տեղեկությունների հավաքագրման համար

Կանադան կանչել է Օտտավայում Չինաստանի դեսպանին և հայտարարել, որ չի բացառում չինացի դիվանագետների արտաքսումը այն բանից, երբ լուրեր հայտնվեցին, որ չինական հետախուզական ծառայությունները տեղեկություններ են հավաքում կանադացի պատգամավորներից մեկի հարազատների մասին, որը քննադատել է Պեկինին։

Կանադայի անվտանգության և հետախուզության ծառայությունը (CSIS), ըստ երկրի առաջատար Globe and Mail պարբերականի, կարծում է, որ Չինաստանը փորձում էր ճնշում գործադրել ընդդիմադիր Պահպանողական կուսակցության պատգամավոր Մայքլ Չոնգի նկատմամբ, որը քննադատում է Պեկինին մարդու իրավունքների խախտումների համար։

Կանադայի արտաքին գործերի նախարար Մելանի Ջոլին հանձնարարել է իր տեղակալին՝ բացատրել Չինաստանի դեսպան Կոնգ Պեյին, որ Օտտավան չի հանդուրժի Չինաստանի միջամտությունն իր ներքին գործերին։

«Այն, ինչ տեղի է ունեցել, լիովին անընդունելի է։ Բոլոր տարբերակները, ներառյալ՝ դիվանագետների արտաքսումը, մնում են սեղանին, մինչ մենք դիտարկում ենք նման պահվածքի հետևանքները»,- ասել է Ջոլին։

Մայքլ Չոնգը 2021 թվականին առաջարկ է ներկայացրել խորհրդարան՝ Սինցզյանում ույղուրների հետապնդումը որպես ցեղասպանության ակտ ճանաչելու համար։

CSIS զեկույցից, որը հայտնվել է Globe and Mail-ում, հետևում է, որ դրանից հետո է չինական հետախուզությունը հետաքրքրվ է նրանով։ Նրանց հատկապես հետաքրքրել են Հոնկոնգում բնակվող քաղաքական գործչի հարազատները։

Պեկինը հերքել է սա, սակայն պատժամիջոցներ է սահմանել Չոնգի նկատմամբ։

Տաթև Ֆռանգյան