05.11.2024 | 09:40
Բյուջե-2025-ի նախագծի քննարկումները ԱԺ հանձնաժողովներում՝ ՈՒՂԻՂ
Պերուում 13,000 դոլարի մարզակոշիկ են գողացել, բոլորը՝ աջ ոտքի
Քաղաքականություն
04.05.2023 | 23:02
Պերուում 3 գողեր ներխուժել են Հուանքայո քաղաքի խանութներից մեկն ու ավելի քան 200 մարզակոշիկ գողացել, սակայն բոլորը՝ աջ ոտքի համար, հայտնում է BBC-ն։
Խանութի սեփականատերը դրանց արժեքը գնահատել է ավելի քան 13,000 դոլար։ Նա կարծում է, որ գողերը կփորձեն վաճառել դրանք։
Անհաջող շահութաբեր գողության փորձը ֆիքսել են տեսախցիկները։
Տեսագրությունում երևում է, թե ինչպես են հանցագործները կեսգիշերին կոտրում խանութի դռան կողպեքն ու տարբեր բրենդների մարզակոշիկների տուփեր վերցնում։
«Մենք դեպքի վայրում հավաքել ենք ապացույցները: Այս գողության հետ կապված արտասովոր է այն, որ գողացել են միայն աջ ոտքի կոշիկ: Տեսաձայնագրության և մատնահետքերի օգնությամբ մենք կկարողանանք գտնել այս անձանց»,- տեղի ոստիկանապետ Էդուան Դիասի խոսքերն է մեջբերում BBC-ն:
Տաթև Ֆռանգյան
