19.03.2026 | 12:15
Խորթ մոր կողմից բռնության ենթարկված 1-ամյա երեխայի վիճակը ծանր է
Վրաստանը Եվրոպայից արդար որոշում է ակնկալում ԵՄ անդամի թեկնածուի կարգավիճակի վերաբերյալ․ Ղարիբաշվիլի
Քաղաքականություն
04.05.2023 | 22:06
«Ուզում եմ կրկնել, որ Վրաստանի տեղը Եվրոպայում է, Վրաստանն արժանի է ԵՄ անդամակցության թեկնածուի կարգավիճակին»,- ասել է Վրաստանի վարչապետ Իրակլի Ղարիբաշվիլին Բուդապեշտում Պահպանողական քաղաքական գործողությունների ամենամյա համաժողովում ունեցած ելույթում (CPAC), գրում է Գրուզիա օնլայնը:
Նա նշել է, որ Վրաստանը Եվրոպայից հեռատես և արդար որոշում է ակնկալում ԵՄ անդամակցության թեկնածուի կարգավիճակի վերաբերյալ։
«Այսօր մենք Եվրոպայից ակնկալում ենք հեռատես և արդար որոշում ԵՄ-ի անդամի թեկնածուի կարգավիճակի վերաբերյալ: Սա կլինի մեր իշխանության և ժողովրդի համատեղ ջանքերի արժանի ճանաչումը: Եվս մեկ անգամ ցանկանում եմ հայտարարել, որ Վրաստանի տեղը Եվրոպայում է, Վրաստանն արժանի է ԵՄ-ի անդամի թեկնածուի կարգավիճակին։ Հենց ազատության իդեալն է, որ դարեր շարունակ դրդել է Վրաստանին եվրոպական ժողովուրդների ընտանիքի լիիրավ անդամ դառնալու ձգտումներում: Այն Եվրոպայի, որը հիմնված է քրիստոնեական արժեքների վրա։ Մեր կառավարության իրականացրած լայնածավալ բարեփոխումների արդյունքում այսօր մենք ավելի մոտ ենք այս նպատակին, քան երբևէ», – հայտարարել է Ղարիբաշվիլին։
Տաթև Ֆռանգյան
