17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
ՆԱՏՕ-ն հույս ունի, որ «S-400»-ների հարցում թուրք-ամերիկյան անհամաձայնությունը կկարգավորվի
Քաղաքականություն
28.06.2018 | 20:09
ՆԱՏՕ-ն հույս ունի, որ «S-400»-ների շուրջ թուրք-ամերիկյան անհամաձայնությունը կկարգավորվի մոտ ապագայում: Այդ մասին հայտնել է ՆԱՏՕ-ին մոտ կանգնած աղբյուրը, որի անունը չի հրապարակվում. փոխանցում է ermenihaber-ը:
Հայտնի է, որ Թուրքիան պատրաստվում է այդ համակարգերը գնել Ռուսաստանից, սակայն ԱՄՆ-ը դեմ է դրան և պաշտոնական Անկարային սպառնում է պատժամիջոցներով:
«Զինամթերք գնելու վերաբերյալ որոշումը կախված է դաշնակիցների դիրքորոշումից: ՆԱՏՕ-ի համար կարևորն այն է, որ զինատեսակները կարողանան համատեղ աշխատել»,-ընդգծում է ՆԱՏՕ-ին մոտ կանգնած աղբյուրը:
Հիշեցնենք, որ Եվրոպայի և Եվրասիայի հարցերով ԱՄՆ պետքարտուղարի տեղակալ Վես Միտչելը Թուրքիայի իշխանություններին զգուշացրել է, որ եթե վերջիններս Ռուսաստանից գնեն «S-400» ՀՕՊ համակարգերը, Վաշինգտոնը Անկարայի նկատմամբ կիրառելու է պատժամիջոցներ։
