15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Թուրքիայի էներգետիկայի նախարարը հայտնել է, որ ՌԴ-ի հետ գազի վճարումների հետաձգման վերաբերյալ պայմանավորվածություն է ձեռք բերվել
Քաղաքականություն
03.05.2023 | 22:18
Թուրքիայի էներգետիկայի նախարար Ֆաթիհ Դյոնմեզը հայտարարել է, որ Անկարայի և Մոսկվայի միջև համաձայնություն է ձեռք բերվել Թուրքիայի կողմից ՌԴ-ից ներկրվող բնական գազի վճարումների հետաձգման վերաբերյալ, գրում են թուրքական լրատվամիջոցները։
Նա պատասխանել է այն պնդումներին, թե Ռուսաստանից ներկրվող բնական գազի դիմաց վճարումներն ուշացել են։
«Անցյալ տարի գազի գնի կտրուկ բարձրացումից հետո «Գազպրոմի» հետ բանակցություններ վարեցինք վճարումների մի մասը հետաձգելու համար, պայմանավորվածություն ձեռք բերվեց, համապատասխան քննարկումներ անցկացվեցին։ Սա ամբողջությամբ վերաբերում է մեր կողմից Ֆինանսների նախարարության և գանձապետարանի համակարգմամբ իրականացվող վճարումների ցիկլին։ Սրանք իրադարձություններ են, որոնք կարող են տեղի ունենալ առևտրային հարաբերություններում և եղել են նախկինում»,- ասել է թուրք նախարարը։
Հիշեցնենք, որ դեռևս 2022 թվականի հոկտեմբերին Bloomberg-ը, վկայակոչելով իր աղբյուրներին, գրել էր, որ Թուրքիան խնդրել է Ռուսաստանին հետաձգել բնական գազի վճարումների մի մասը մինչև 2024 թվականը՝ փորձելով մեղմել գների աճից առաջացած տնտեսական վնասը։
Էմմա Չոբանյան
