08.10.2026 | 11:42
Օտարերկրյա ռազմական կցորդներն այցելել են ՀՀ ՊՆ ռազմական ոստիկանություն
«Հյուսիսային հոսքի» վրա միջադեպից առաջ այնտեղ ռուսական նավեր են եղել․ լրագրողական հետաքննության արդյունքները
Քաղաքականություն
03.05.2023 | 22:41
Հյուսիսային Եվրոպայից լրագրողների համատեղ հետաքննությունը պարզել է, որ ստորջրյա գործողություններ իրականացնելու ընդունակ ռուսական նավերը գտնվել են այն վայրի մոտակայքում, որտեղ ավելի ուշ տեղի են ունեցել «Հյուսիսային հոսք» գազատարի վրա պայթյունները: Հետաքննության մեջ ուղղակի պնդումներ չկան, որ պայթյուններին հնարավոր է Ռուսաստանի մասնակցությունը. լրագրողները միայն հարց են բարձրացնում՝ ի՞նչ կարող էին անել այդ նավերն այնտեղ մինչև պայթյունները, գրում է BBC-ի ռուսական ծառայությունը։
Դանիական DR-ի, նորվեգական NRK-ի, շվեդական SVT-ի և ֆիննական Yle-ի հետաքննությունից հետևում է, որ նավերի երթուղիները ստեղծվել են ոչ թե անջատված նույնականացման սարքերի, այլ ռուսերենից գաղտնալսված հաղորդագրությունների շնորհիվ։
Անցյալ տարվա սեպտեմբերին տեղի ունեցած ստորջրյա պայթյունների հետևանքով շարքից դուրս են բերվել «Հյուսիսային հոսք» գազատարի երկու ճյուղերը, որոնք կառուցվել են Ռուսաստանից Եվրոպա գազ տեղափոխելու համար: Պայթյունների պատճառը պարզ չէ։
Ռուսաստանը կտրականապես հերքում է իր նկատմամբ կասկածները և ենթադրում, որ դիվերսիայի հետևում կարող են կանգնած լինել արևմտյան երկրները, այդ թվում՝ Մեծ Բրիտանիան։
Լրատվամիջոցները նաև վարկած են հրապարակել, որ պայթյունների հետևում կարող են կանգնած լինել որոշ ուկրաինամետ մասնավոր անձինք, բայց՝ ոչ անմիջականորեն ուկրաինական պետությունը։
Տաթև Ֆռանգյան
