15.08.2026 | 10:28
Վթարային ջրանջատում Կարճևան գյուղում
Օ-դը-Ֆրանս շրջանի և Վայոց ձորի մարզի միջև համագործակցության հայտարարություն է ստորագրվել
Քաղաքականություն
02.05.2023 | 22:43
Ֆրանսիայի Օ-դը-Ֆրանս ռեգիոնի խորհրդի նախագահ Ք. Բերտրանի գլխավորած պատվիրակությունը ՀՀ Վայոց ձորի մարզպետ Արարատ Գրիգորյանի ուղեկցությամբ Ջերմուկում է: Այդ մասին ասված է Ջերմուկի քաղաքապետ Վահագն Արսենյանի ֆեյսբուքյան էջում:
«Երկու մարզերի (Օ-դը-Ֆրանս շրջանի և Վայոց ձորի մարզի) միջև համագործակցության մտադրության մասին հայտարարության ստորագրման պաշտոնական արարողությունը տեղի ունեցավ հենց Ջերմուկում:
Պաշտոնական արարողությունից հետո հյուրերը այցելեցին սեպտեմբերյան ագրեսիայի հետևանքով Ջերմուկ քաղաքի տուժած հատվածներ, նաև ճոպանուղի (որը այս պահին վնասված է և գտնվում է վերանորոգման փուլում): Նրանք եղան նաև Ջերմուկի ըմպելասրահում և համտեսեցին բուժիչ հատկություններով հայտնի հանքային ջուրը, իսկ այցի ավարտին ներկա եղան Ջերմուկի Շառլ Ազնավուրի անվան արվեստի դպրոցում՝ ի պատիվ իրենց կազմակերպված միջոցառմանը:
Օ-դը-Ֆրանս ռեգիոնի և ՀՀ Վայոց ձորի մարզի միջև համագործակցության առաջին քայլն արված է»,- ասված է գրառման մեջ։
