27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Թուրքիայում 13-ամյա երեխայի դեմ դատական հայց է ներկայացվել՝ Էրդողանին «վիրավորելու» համար
Քաղաքականություն
01.05.2023 | 23:12
Ստամբուլի շրջանային դատախազությունը մեղադրական հայց է նախապատրաստել 13-ամյա երեխայի նկատմամբ՝ «նախագահին վիրավորելու» մեղադրանքով։ Գազիօսմանփաշայի անչափահասների գործերով դատարանն ընդունել է հայցը և վարույթ սկսել երեխայի դեմ, գրում է Birgun-ը։
Մեղադրական եզրակացության մեջ նշվում է, որ երեխայի դեմ բողոքել են WhatApp խմբում իր խոսքերի համար։
Երեխայի նկատմամբ նախապատրաստվել է դատաբժշկական եզրակացություն, որում նշվում է, որ 13-ամյա անչափահասի՝ իր գործողությունների իրավական հետևանքներն ընկալելու կարողությունը բավականաչափ զարգացած են։ Դատախազը պնդում է, որ 13-ամյա երեխան «ոտնձգություն է կատարել նախագահի պատվի և արժանապատվության դեմ» և պահանջում է նրան պատժել նախագահին «վիրավորելու» համար։
Հավելենք, որ 2022 թվականին, ընդհանուր առմամբ, 1075 երեխայի են դատի տվել «նախագահին վիրավորելու», «պետության ինքնիշխանությունը, թուրք ազգին վիրավորելու», «Թուրքիա պետությունը վիրավորելու» մեղադրանքներով։ Այս գործիքը Թուրքիայի իշխանությունները մշտապես օգտագործում են իրենց քննադատներին լռեցնելու համար։
Էմմա Չոբանյան
