19.03.2026 | 12:40
Բռնության ենթարկված փոքրիկի 4 տարեկան քույրը տեղափոխվել է ՀՕՖ․ հիմա բուժզննում է անցնում
Պուտինը ստորագրել է դավաճանության համար ցմահ ազատազրկման մասին օրենքը
Քաղաքականություն
28.04.2023 | 20:15
Ռուսաստանի նախագահ Վլադիմիր Պուտինն օրենք է ստորագրել, որը խստացնում է պետական դավաճանության համար պատիժը՝ մինչև ցմահ ազատազրկմամբ։ ՏԱՍՍ-ի փոխանցմամբ՝ այս մասին ասվում է իրավական տեղեկատվության պաշտոնական ինտերնետային պորտալում հրապարակված փաստաթղթում։
Փոփոխություններ են կատարվել Քրեական օրենսգրքի 275-րդ հոդվածում՝ «Դավաճանություն»։ Այսպիսով, լրտեսության, օտարերկրացիներին պետական գաղտնիք պարունակող տեղեկատվության տրամադրման, հակառակորդի կողմն անցնելու կամ Ռուսաստանի դեմ ուղղված գործողություններում ֆինանսական, նյութատեխնիկական, խորհրդատվական կամ այլ օգնություն ցուցաբերելու համար կարող է սպառնալ ցմահ ազատազրկում։
Նախկինում այդ հանցագործությունները պատժվում էին մինչև 20 տարի ժամկետով ազատազրկմամբ՝ մինչև 500 հազար ռուբլի տուգանքով։
Տաթև Ֆռանգյան
