08.10.2026 | 13:00
Բենզինի պահեստում պայթյունի ժամանակ զոհվածներից 70-ը եղել են ԱԱԾ, ՆԳՆ աշխատակիցներ և ՊՆ ծառայողներ․ ՏԵՍԱՆՅՈՒԹ
Մայիսի 14-ի ընտրությունները քաղաքական հեղաշրջում անելու՝ Արևմուտքի փորձն են․ Թուրքիայի ՆԳ նախարար
Քաղաքականություն
28.04.2023 | 17:05
Թուրքիայի ներքին գործերի նախարար Սուլեյման Սոյլուն հերթական հակաարևմտյան հայտարարություններ է հնչեցրել։ Նա առաջիկա նախագահական և խորհրդարանական ընտրությունները որակել է որպես «հեղաշրջման փորձ»։
Թուրքական լրատվամիջոցների հաղորդմամբ՝ Ստամբուլում ելույթ ունենալով համախոհների հետ հանդիպմանը՝ Սոյլուն հիշեցրել է 2016 թվականի հուլիսի 15-ի հեղաշրջման ձախողված փորձի մասին և մայիսի ընտրություններն անվանել «քաղաքական հեղաշրջման փորձ»։
«Հուլիսի 15-ը նրանց իրական հեղաշրջման փորձն էր, մայիսի 14-ը նրանց քաղաքական հեղաշրջման փորձն է: Դա այնքան պարզ և ակնհայտ է: 2023 թվականի մայիսի 14-ն Արևմուտքի քաղաքական հեղաշրջման փորձն է: Մայիսի 14-ին Թուրքիան միասին տապալելու ենք։ Ես չեմ սա ասել, տարիներ առաջ Ամերիկայի պատասխանատուն է ասել։ Նրանք ասել են, որ Թուրքիային կարող են միայն այդ մեթոդով տիրանալ, երբ տարիներ առաջ բոլոր փորձված մեթոդները ձախողվեցին»,- ասել է Սոյլուն՝ ընդգծելով, որ առաջիկա ընտրությունները հեշտ չեն լինելու։
Հիշեցնենք, որ Թուրքիայում նախագահական և խորհրդարանական ընտրությունները տեղի են ունենալու մայիսի 14-ին։
Էմմա Չոբանյան
