27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Սուդանում կրակ են բացել թուրքական ինքնաթիռի վրա
Քաղաքականություն
28.04.2023 | 14:10
Թուրքական ինքնաթիռը, որը Սուդան է ժամանել օտարերկրյա քաղաքացիներին տարհանելու նպատակով, գնդակոծվել է արագ արձագանքման ուժերի (հատուկ ջոկատներ) կողմից։ Այս մասին հայտնում է Al-Hadath հեռուստաալիքը՝ վկայակոչելով Սուդանի բանակի ներկայացուցչին, փոխանցում է ՏԱՍՍ-ը։
Աղբյուրի տեղեկացմամբ՝ թուրքական ինքնաթիռը գնդակոծվել է մայրաքաղաք Խարթումից մոտ 20 կմ հեռավորության վրա գտնվող Վադի Սեյդնա ռազմաբազայի օդանավակայանում վայրէջք կատարելիս։
Թուրքիայի Ազգային պաշտպանության նախարարությունը հաստատել է Սուդանում թուրքական զինված ուժերի ինքնաթիռի գնդակոծման փաստը։ Գերատեսչության հաղորդագրության համաձայն՝ միջադեպի հետևանքով զոհեր և վիրավորներ չկան։
«Մեր C-130 ինքնաթիռի վրա, որը տարհանում իրականացնելու համար ուղարկվել է Սուդան, փոքր զինատեսակից կրակ է բացվել: Ինքնաթիռն անվտանգ վայրէջք է կատարել: Զինվորական անձնակազմի շրջանում վիրավորներ չկան»,- ասվում է հաղորդագրության մեջ:
Սուդանի արագ արձագանքման ուժերը, սակայն, հերքել են թուրքական ինքնաթիռի վրա կրակելու մեղադրանքները։ Արագ արձագանքման ուժերի խոսնակը մեղադրել է Սուդանի զինված ուժերին թուրքական տրանսպորտային ինքնաթիռի հետ տեղի ունեցած միջադեպի համար, նշում է Al-Hadath-ը։
Տաթև Ֆռանգյան
