15.08.2026 | 11:44
Քաղաքական խորհրդակցություններ՝ Հայաստանի և Ռուանդայի ԱԳՆ-ների միջև
Մոլդովան Պուտինին ներառել է սև ցուցակում
Քաղաքականություն
28.04.2023 | 12:21
Մոլդովայի վարչապետ Դորին Ռեչանը հայտարարել է, որ ՌԴ նախագահ Վլադիմիր Պուտինը ներառվել է սև ցուցակում։ Այս մասին նա ասել է TV8 հեռուստաալիքի եթերում, գրում է currenttime.tv-ին։ Ռեչանի խոսքով՝ Մոլդովայում կազմել են այն անձանց ցուցակը, որոնց մուտքը երկիր արգելված է։ Այդտեղ ընտգրկված են պաշտոնյաներ ու հայտնի արտիստներ, որոնք աջակցում են Ուկրաինայի դեմ Ռուսաստանի պատերազմին։
«Դա բավականին երկար ցուցակ է, Վլադիմիր Պուտինը ևս դրանում ներառված է»,-ասել է նա՝ նշելով, որ ցանկը հրապարակային չէ, այն ունեն Մոլդովայի պատկան մարմինները, և նրանք, ովքեր ընդգրկված են դրանում, կիմանան երկիր մուտքի արգելքի մասին։ Բացի Պուտինից, ցուցակում են Ռուսաստանի նախկին գլխավոր դատախազի որդին՝ Իգոր Չայկան, նաև երգիչ Ֆիլիպ Կիրկորովը։ «ՌԴ-ն չի կարող մեզ թելադրել,թե մենք ինչ պետք է կամ կարող ենք անել։ Մոլդովայի Հանրապետությունը ազատ ու ինքնիշխան երկիր է։ Ամեն մեկը պետք է իր տեղն իմանա»,-ասել է Ռեչանը։
Ի դեպ, ապրիլի 17-ին էլ Թաթարստանի ղեկավար Ռուստամ Միննիխանովն էր հայտարարել, որ իրեն թույլ չեն տվել մուտք գործել Մոլդովա, ուր նա ժամանել էր Գագաուզիայի ղեկավարի թեկնածու Վիկտոր Պետրովի հրավերով՝ միջազգային կոնգրեսի մասնակցելու։
