25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
ԱՄՆ-ը նոր պատժամիջոցներ է սահմանել Ռուսաստանի ԱԴԾ-ի դեմ
Քաղաքականություն
28.04.2023 | 11:26
ԱՄՆ-ը նոր պատժամիջոցներ է սահմանել Ռուսաստանի Անվտանգության դաշնային ծառայության (ԱԴԾ) դեմ՝ «արտերկրում ԱՄՆ քաղաքացիներին անօրինական կերպով պահելու համար»։ Սահմանափակումների մասին տեղեկությունը տեղադրված է ԱՄՆ գանձապետարանի կայքում, փոխանցում է DW-ի ռուսական ծառայությունը։
Միաժամանակ, գործակալությունը մի քանի բացառություններ է արել պատժամիջոցների ռեժիմից ԱԴԾ-ի մասնակցությամբ ֆինանսական գործարքների համար՝ կապված տեղեկատվական տեխնոլոգիաների արտադրանքի ներմուծման, բաշխման կամ օգտագործման հետ, սակայն նման գործարքների համար հատուկ ծառայությունների վճարումների չափը չպետք է գերազանցի տարեկան 5000 ԱՄՆ դոլարը։
Նմանատիպ պատժամիջոցներ են սահմանվել Իրանի Իսլամական հեղափոխության պահապանների կորպուսի (ԻՀՊԿ) հետախուզական վարչության, այդ թվում՝ նրա հրամանատարության չորս ներկայացուցիչների նկատմամբ։ Սահմանափակումները մտցվել են ԱՄՆ ֆինանսների նախարարության կողմից՝ Պետդեպարտամենտի որոշմամբ։ Ե՛վ ԱԴԾ-ն, և՛ Իսլամական հեղափոխության պահապանների կորպուսը գտնվում են ԱՄՆ պատժամիջոցների ցուցակներում:
«Այսօր մենք աշխատում ենք պատասխանատվության ենթարկել արտասահմանում ԱՄՆ քաղաքացիների անօրինական կալանավորման համար մեղավորներին», – ասել է ԱՄՆ պետքարտուղար Էնթոնի Բլինքենը: «Մեր գործողությունները հստակ և ուղղակի նախազգուշացում են նրանց համար, ովքեր անօրինական կերպով ձերբակալում են ԱՄՆ քաղաքացիներին ամբողջ աշխարհում»,- նշել է նա։
