16.01.2026 | 20:00
Հայաստանը 100-ից 26 միավոր է ստացել․ SIGMA-ն գնահատել է հանրային կառավարման ոլորտը․ ՏԵՍԱՆՅՈՒԹ
Գյումրիում կզարգացնեն տուրիստական ենթակառուցվածքները․քաղաքապետը մեկնել է Բելգիա
Տնտեսություն
27.04.2023 | 21:15
Գյումրիի համայնքապետ Վարդգես Սամսոնյանը մեկնել է Բրյուսել՝ մասնակցելու Եվրամիության կողմից Գյումրի և Կապան քաղաքներում իրականացվող «Համայնքի ղեկավարները հանուն տնտեսական զարգացման» (ՀՀՏԶ) ծրագրի շրջանակներում անցկացվող ֆորումին: Այն կտևի ապրիլի 27-28-ը։ Այս մասին մեզ տեղեկացրին Գյումրու համայնքապետարանից։
Ծրագրի շրջանակներում Եվրամիությունը կաջակցի Գյումրիին՝ զարգացնելու նոր տեխնոլոգիաների ու ստեղծարար մոտեցումների կիրառմամբ մշակութային զբոսաշրջությունը։ Սա ենթադրում է տուրիստական ենթակառուցվածքների զարգացում, պատմական միջավայրի արդիականացում, մշակութային կառույցների վերազինում։
Նշենք, որ «Համայնքի ղեկավարները հանուն տնտեսական զարգացման» (ՀՀՏԶ) ծրագրի շրջանակներում անցած տարի հայտարարվել էր մրցույթ «Համայնքային վերափոխումների պորտֆել» անվամբ, մասնակից 16 համայնքներից հաղթող էին ճանաչվել Գյումրին և Կապանը։
Արմիկ Մովսիսյան
